غرام القلب وأسبابه

[فله وأخوها عله]

أنا يا من تظن أني أدور للغرام أسباب..*..
ترى في داخلي أخفي غرام القلب واسبابه


أبي أكشف لك أسبابي وابين لك مدى الإعجاب..*..


عسى قلبك يراعيني يبادل قلبي إعجابه



لقيتك دنيتي لكن عرفت إن الزمن غلاب..*..


وآنا يا خلي من شفتك ظروفي جات غلابه


شقا صارت حياتي لين شفت ان الفرح قد غاب..*..


ولا نور ليالينا كأني عايش بغابه


بعد ذاك الشقا جيتك أدور راحتي باتعاب..*..


عسى قلبي بعد يلقى بأيدك حد لاتعابه


تخيلتك مثل قطره ألاقي غيثها سكاب..*..


تغير حالي وتسعى بلا تفكير سكابه


والاقي طيبتك بلسم يداوي جرح بي ما طاب..*..


تعبني حيل لكني صبرت وصرت أوطابه


(على نفس الطريق اللي) جمعنا جاب لي ما جاب..*..


وطيته بس لعيونك أقاسي كل ما جابه


ومثل ما قالها شاعر طريقي لك غرام أحباب..*..


وقلبي يا هوى يوفي لاعز الناس واحبابه


غريبه لو تمنيتك بعالم سرمدي كذاب..*..


حوى كل الوجوه اللي غدت شرواه كذابه


بس الأغرب إذا كنت أمير وتحكم رقاب..*..


شعب ما كان يوطا لك يجيك مسلم رقابه


أصير الشعب أخضع لك واسلم راسي بترحاب..*..


واكون إنسان في حكمك تزايد فيه ترحابه


على شرط انك تكون عفيف(ن) عن سواة أذناب..*..


ترا في الناس معروفه تشين الشخص أذنابه


وكل من يفعل الزلة تفارق عنهم الأنساب..*..


يموت الشخص أو يخسر شرف وتموت أنسابه


إذا قاربت للزلة دعائي يحتويك تراب..*..


قبل لا يلحقك عارك يواري جسمك ترابه


مثل ما قاومت بنت شريفة بيوم جوع ذياب..*..


أبت واستشهدت من دون تشبع رغبة ذيابه


تخيلتك قبل ترحل غدينا لبعضنا أحباب..*..


ولكن من بها لعالم بيوفي اليوم لاحبابه


خيالي للأسف واسع تخيلته بدون أسباب..*..


سوى اني بغيت أكشف غرام القلب واسبابه








منقوووووووووووووووول


ولكــــــــــم مني اعذب التحيات: فله وأخوها عله

[ذبحني الشوق]

كلام جميل
مشكورة أختي ع الموضوع يعطيج العافيه

[مهسترهـ بالبنآدوول]

هاااي
مشكوورة فله وأخوها عله على القصيدة
كلمااات رووعة
تسلمين والله

[..ّ ّ[ oــخ ـآgيـ Jlـذيـب ] ّ ّ..]

(على نفس الطريق اللي) جمعنا جاب لي ما جاب..*..




والله مبدعه يااخت العله




ابيات توصل للقلب بسرعه





مشكوره الف شكر

[فله وأخوها عله]

أشكررررررررررررركم

على ردودكم الحلوه


ولا تحرمونا من تفاعلكم