اعتذار لشيء من ولا شيء..!!

[ツĀŁĐĄŇĦ ツ]

السلام عليكم ورحمة الله وبركاته


أخوتي الأعضاء الأعزاء كما في العنوان اعتذار




واعتذار خاص



واخص كل من :



الاداره بشكل عام



العضو : سمو الروح




لأسباب كدت ان اسميها خاصه بس كل شي صار مكشوف



والكل يسأل ليش الدانه انحظرت



اكيد مسويه شي جايد



اليوم انا هنا




اعتذر حق سمو الروح لاني انتحلت شخصيته



كلمه لك سمو



تراها اول مره ويعلم الله اني ماستخدمتها الا لضروره



ويعلم الله اني ماضايقت احد بعضويتك ولااحتكيت مع احد



هي كلها ربع ساعه سويت اللي ابي وماظبط وصار اللي صار



يمكن انا كلفت على المنتدى وماشرفت



ويمكن ماكنت اهلاً للمنصب اللي عطوني وماقدمت لكم شي



يمكن سكوتي اعتمد الخطأ لاني ماتحديت وحاربت



ولكن أحببت أن تعذروني هاي كل اللي عندي



أن شاء الله بكون حريصه اكثر بلاجلك



وأنا عضوة فيه فقط



سوالفي بالشات او الدانه كلها على بعضها ماخذه الدنيا غشمره



وجودي بالشات وكلامي لكم يشهد الله علي من باب الغشمره والضحك



لكن اوعدكم ماراح تشوفون مني الا الجد



واتمنى اللي عنده كلام لي يوجهه لي شخصياً ماله داعي تنقل الحجي



يعني بشكل اوضح قبل محد يروح يشتكي



يكلمني بيني وبينه انا اذا مانفع الحجي ذيك الساع يروح للجهات العليا



وأتمنى من كل قلبي



من كل من يسىء لي بكلام يمسك لسانه عني



واقول حق كل من تطاول علي بكلام من وراي او جدامي (فدوتكم ذنوبي )..



ولكم مني كل الاحترام والتقدير



أختكم



الدانـه




/




\

[اخوالقمر]

يدافع البلا يحبك حق المشاكل هع

وولايهمك خيتوو اتمنى انك تستفيدن من هاالدرس في حياتك

لآنك دخولك بنك شخص مشكلة عليك وعلية وفيها من الخصوصيات والآحترام

وهي غلطة وغلطتي فيها ان شاء الله متتكر معك ولا مع اي عضو اخر

وانا اشكرك خيتوو على صراحتك وجرئتك واعترافك بغلطك لو شخص او عضو اخر فعلها ماعتذر

ولا قدم اعتذاره حق العضو ولا الآدارة سحب نفسة من المنتدى وخرج .

يعيطيك العاافية خيتو ربي يسعدك في دنياك وربي يوفقك وتتحقق احلامك

تحياتي لك دنونة

اخـــــــــــــــوالقـــــــــــــــمر

[ظلال الصمت]

الدانــــــــــــــــــــــه
رغم اني من فتره اعتزلت الشات وتجنبت تواجدي اومعرفة مايدورفيه
وجد مااعرف شنوالي صارمعاك
يكفي اعتذارك عن الخطئ هو قمة الشجاعه والاعتراف بالخطأ
من القلب كأخت اكن لك كل الحب والاحترام
ومن الدنيا نتعلم
وانشاءالله مع الايام كل شئ ينتهي ويصيرذكرى سوء جرح او خطأنتعلم منه
واتمنى لك كل الخيروالتوفيق

[҉ ҈ ــϠ₡−ـ‗مميز لاجلك‗ـ−Ϡ₡ـ ҈]

الدانه

افتقدك بكل ارجاء المنتدى

انسانه اكن لك مشاعر الاخوه الصادقة

في كل موضوع لي وانا على ايقونة اعتماده

افكر بردك قبل الكل

من يضاهيك في مزحك وفي البسمة الي ترسميها على شفاهنا

ــــــــــــــــــــــــــــــــــــــــــــــــــ ــــــــــــــــــ

الدانه

عضوه الكل يعرف بقوة علاقتها بكل الاعضاء والعضوات

والمنتدى كامل

عضوه تعتبر من القدماء بالمنتدى

الانسان ليس معصوم عن الخطأ

انا اكثركم اخطاء

لم تكتفين برسالة خاصة للادارة

وضعك للموضوع واعتذارك فيه اكبر دليل على

صفاء نيتك

طيبة قلبك

حرصك على مكانتك بيينا وتقديرك لنا

الدانه



سوف يسامحك جميع من اخطأتي بحقه

لاننا قلب واحد بالمنتدى

وانا اعدك بهذا الشي

سلمت يداك على اعتذارك

وليس بالقريب على عضوه متألقه منك ومسامحه

اتمنى لك قضاء احلا الاوقات معنا

>>> اتمنى اشوفك بالشات قريبا فيني طنازة للصبح هع

ربي يسعدك ويوفقك


اخوك


المميز

[ツĀŁĐĄŇĦ ツ]

اقتباس:المشاركة الأصلية كتبت بواسطة اخوالقمر http://www.l9lk.net/vb/l9lk.net/buttons/viewpost.gif (http://www.l9lk.net/vb/showthread.php?p=492139#post492139)
يدافع البلا يحبك حق المشاكل هع
لاتعليق


وولايهمك خيتوو اتمنى انك تستفيدن من هاالدرس في حياتك
بعد لاتعليق

لآنك دخولك بنك شخص مشكلة عليك وعلية وفيها من الخصوصيات والآحترام

وهي غلطة وغلطتي فيها ان شاء الله متتكر معك ولا مع اي عضو اخر
من ناحيتي ماراح تكرر انشالله ولا راح احتك باي عضو
خلوني بصوب وانتو كلكم بصوب..

وانا اشكرك خيتوو على صراحتك وجرئتك واعترافك بغلطك لو شخص او عضو اخر فعلها ماعتذر
اعتذاري لنفسي قبل لايكون لكم
وانا مابي اهدم اللي بنيته
والانسان اذا طاح يشيل نفسه بنفسه لانه محد راح ينفع الثاني

ولا قدم اعتذاره حق العضو ولا الآدارة سحب نفسة من المنتدى وخرج .
مافي شي يستاهل اني اخرج من المنتدى

يعيطيك العاافية خيتو ربي يسعدك في دنياك وربي يوفقك وتتحقق احلامك
اجمعين يارب

تحياتي لك دنونة
وتحياتي لكم

اخـــــــــــــــوالقـــــــــــــــمر



/


\

/

[ツĀŁĐĄŇĦ ツ]

اقتباس:المشاركة الأصلية كتبت بواسطة ظلال الصمت http://www.l9lk.net/vb/l9lk.net/buttons/viewpost.gif (http://www.l9lk.net/vb/showthread.php?p=492204#post492204)
الدانــــــــــــــــــــــه
يالبيه

رغم اني من فتره اعتزلت الشات وتجنبت تواجدي اومعرفة مايدورفيه
وجد مااعرف شنوالي صارمعاك
وهاي انت الحين عرفتي
يكفي اعتذارك عن الخطئ هو قمة الشجاعه والاعتراف بالخطأ
من القلب كأخت اكن لك كل الحب والاحترام
وانا بعد حياتي اكن لكم كل الاحترام
والشي اللي سويته مو استعراض عظلات ولاهو شجاعه
الشي اللي سويته دليل لحبي لكم وتمسكي بالمكان اللي سكنت فيه سنين

ومن الدنيا نتعلم
صحيح تعلمت وايد وراح احرص عليكم من نفسي

وانشاءالله مع الايام كل شئ ينتهي ويصيرذكرى سوء جرح او خطأنتعلم منه
واتمنى لك كل الخيروالتوفيق

والله يوفقج حبيبتي
للامانه ردج برد قلبي

\

/

\

[ツĀŁĐĄŇĦ ツ]

اقتباس:المشاركة الأصلية كتبت بواسطة المميز http://www.l9lk.net/vb/l9lk.net/buttons/viewpost.gif (http://www.l9lk.net/vb/showthread.php?p=492216#post492216)
الدانه
آمر اخوي
افتقدك بكل ارجاء المنتدى
وانا بعد افتقد ارجـآـآء المنتدى
انسانه اكن لك مشاعر الاخوه الصادقة
اخوه كنا ولازلنا
في كل موضوع لي وانا على ايقونة اعتماده

افكر بردك قبل الكل
وانا اتلذذ بردي لكم
من يضاهيك في مزحك وفي البسمة الي ترسميها على شفاهنا
ترى مو كل الناس ميزو
يمكن انت ماتتضايق
بس اتضح لي ان في ناس وايد تتضايق
بس اوعدكم هنا راح تكون النهايه
ــــــــــــــــــــــــــــــــــــــــــــــــــ ــــــــــــــــــ

الدانه

عضوه الكل يعرف بقوة علاقتها بكل الاعضاء والعضوات

والمنتدى كامل
بس كثر الدق يفك اللحام
عضوه تعتبر من القدماء بالمنتدى

الانسان ليس معصوم عن الخطأ

انا اكثركم اخطاء

لم تكتفين برسالة خاصة للادارة

وضعك للموضوع واعتذارك فيه اكبر دليل على

صفاء نيتك

طيبة قلبك

حرصك على مكانتك بيينا وتقديرك لنا

اقدر لك كلامك وع العين والراس من اصغركم لاكبركم
الدانه


سوف يسامحك جميع من اخطأتي بحقه
اتمنى ذلك
لاننا قلب واحد بالمنتدى
صح
وانا اعدك بهذا الشي
وانا اعدكم بعد
سلمت يداك على اعتذارك
وسلمت يداك على مرورك الكريم وكلامك البليغ
وليس بالقريب على عضوه متألقه منك ومسامحه
كل الشكر لك
المسامحه مطلوبه منكم الحين
اتمنى لك قضاء احلا الاوقات معنا
و اتمنى لكم قضاء وقت حلو وياي انا بعد
>>> اتمنى اشوفك بالشات قريبا فيني طنازة للصبح هع
انسى ياخوي
ربي يسعدك ويوفقك

اجمعين
اخوك


المميز


احترامي وتقديري لك اخوي

الدانـه

/

\

[ملاك الاحساس]

مااااااااااااااااااااااااالت
ما اتوقع في يوم ازعل من دانتي هع
حبيبتي من جد ترى في ناس ما ينمزح معاها
واعتذراك دا صراحة هع رفع قيمتج عندي اكثر هع لانو انتي وايد غالية على قلبي
وبصراحة انهم يحظرونك هذا شي غلط هع انا صار لي موااقف عدة مثلك
وتعلمت انو في ناس ما ينمزح معها بس صراحة انا احبك مثل اختي ورا يضل هذا شعوري تجاهك
وربي دانو ما اتخيل المنتدى بدنك انتي عطره والي ما يبيك خليه يولي ولو يكون مين هع
انا عن نفسي ما استغنى عنك واعتذارك دا الي ما يقبله ما عنده دم
والله يا بنتي انتي احسسن وحدة هنا هع
وانا وايد احبك من جد ترى هع الله لا يحرمني منك خيتو
مو معنى هالكلام ما اشوفك هع انتي بس تعالي وربي
الي يقولك شي طنشي هع والي يزعلك لا تكلميه
وربي قهرر بدونك الشات مو وناسة المندى بدونك ظلاااااااااااااام
وانتي نوره هع اتمنى ما تحرمينا منك
ودي لك

[بقايا انسان]

مو عيب نخطي العيب نستمر في خطا

وكبرتي في عيني اكثر

بعد اعتذرك

وانا بقول كلمه قلها

فهد لاجلك


نحنو لسنا اعضاء
بل



اسرته واحده

[حنين حلاها غير]

الدآنه

(كل ابن آدم خطآء وخير الخطآئون التوابون )

سمو الروح قلبه طيب وبيسامحك اكيد

وانتي ع العين وع الراس صحيح ماعرفتج الا فترره بسيطه بس والله انتي بنت طيوبه وحبوبه

وعسوله بعد ..

يعطيج الف الف عااااافيه ياقلبي لانج اعتذرتي واوجه كلمه للكل..

كل انسان يغلط ومافي انسان معصوم عن الغلط بس العيب ان احنا مانسامح

كلنا اخوان وخوات ومااتوقع ان الاخو يزعل من اخته او الاخت تزعل من اخوها ...

يقال...

مهما تفارقا الاخوان لابد من الرجوع ...

تقبليني بكل ود\حنين حلاها غير

[فهــد لأجلكl9lk]

الله يعطيك العافية اختي الدانة
وان شاء الله كل شي يتصلح
واهم شي الاعتراف بالخطاء
وكلنا نخطأ بس الي اهم من ذلك ما نتمادا في الغلط
على العموم مكانك محفوظ بيننا وما ننسى خدماتك اختي
بس لازم يكون اجراء وان شاء الله راح يرضي جميع الاطراف
واتمنى منك مواصلة ابداعك ويرجع لنا قلمك المميز مثل قبل وافضل
واتمنى لك اجمل واسعد الاوقات في منتديات لأجلك

[بحبك انا هيمان]

السلام عليكم ورحمة الله وبركاته

أختي الدانه مافي أنسان مايخطاء كلنا مو معصومين من الغلط


قوله تعالى : {ربنا لا تؤاخذنا إن نسينا أو أخطأنا}

وبارك الله فيك أختي وأنتي أختنا غاليها علينا


ولك مكان كبير في لأجلك ...

أنا أعتبرك من مؤسسين لأجلك راقم عضويتك 90

وأن شاء الله نشوف الدانه مثل قبل وأحسن بعد

وموضوعك :اعتذار لشيء من ولا شيء..!!

أنا أقولك لا شيء أخت عزيزة وغاليه

وعارف أنك تخفين على لأجلك مثل الكل وأكثر بعد

والحين تم رفع الحظر من الرسايل والشات

وباقي الامور يتم مرجعهتا


ودوم مستانسه يارب

واتمنى لك التوفيق