مع العضو ال(4) في كرسي الاعتراف ..

[حورية البحر]

بسمـ الله الرحمن الرحيم ..

السلام عليكمـ..

اخباكمـ ؟؟

المهم عاد انا ما اعرف اتكلم رسمي ..

الزبده و بالمختصر المفيد <<وش ذا المشرفه

انا نستضيف<< ع قولتهم .. عضو جديد..

والله ما نستضيفه نربطه واذا ما جاوب ..

بنسوي له صعقاات كهربائيه <<امزح

المهم

العضو هو ..

صغـير السـن ..

ع قولة انت طيب .. بدون اسأله محرجه ..

و انا ببداء اسأل ..<<احم الله يعينك ..


مـآهي آصعب كلـــمهـ ممكن تقولها لآي شخص ؟؟
:.
:.
2- ماهو شعوركـ لمـآ توآجه شخص مآيفهمكـ ؟؟
:.
:.
3- من هـو كآتم آســرآآر ك؟؟
:.
:.
4- يآترىآ هـل شخصيتكـ بالمنتدىآ تعكس شخصيتكـ الحقيقيهـ ؟؟
:.
:.
5- من هـــو الشخـص الذي يجبر ك علىآ الأبتســآمهـ ؟؟
:.
:.
6- مـــآهي حكـــمتكـ في الحيـآة ؟؟
:.
:.
7 كــــم عمـــرك ؟؟
:.
8_ تحب تلعب كرة قدم؟ <-
:.
:.
9- ااوصف لي حياتك بكلمتين ؟ ::
:.

10-وش احلى صفه فيك؟ وليش؟
:.
:.
11-وش الصفه الي مو حلوه فيك؟ وليش؟

:.

12 - ما رائيك بشخصية حوريهـ الثلج ؟؟<<يا ويلك اذا ما مدحتني <<امزح قوول بصراحه ..

للمعلوووميه ما خلصت الاسأله راجعه <<كانه تقول هيين

[ألأميرة نوني]

احلىىىىىىىىىىى..





يالله جاوب ..

[صغير السن]

;)مـآهي آصعب كلـــمهـ ممكن تقولها لآي شخص ؟؟
:.
:.بصراحه كثير كلام صعب ينقال لاي شخص بس اقدر اخليه بطريقتي يكون سهل ينقال يعني ما عندي شي صعب انا صريح

2- ماهو شعوركـ لمـآ توآجه شخص مآيفهمكـ ؟؟
:
.شعور عادي طبيعي ما اخذ واعطي معه كثير واحاول ما اقوله عن خصوصياتي وترى نادر تحصلين احد يفهمك
:.
3- من هـو كآتم آســرآآر ك؟؟
:.
:عن نفسي كل شخص اعطيه سر يعني مو كل اسراري ومش اي واحد عاد اللي عندي بس 3 تقريبا ولا تقولي ليش
.
4- يآترىآ هـل شخصيتكـ بالمنتدىآ تعكس شخصيتكـ الحقيقيهـ ؟؟
:.
:تقريبا مو كثير ولا قليل يعني مش من كل النواحي
.
5- من هـــو الشخـص الذي يجبر ك علىآ الأبتســآمهـ ؟؟
:
.الكل لأن لما اشوف اللي احبه مبتسم على طول ابتسم وارتاح حتى لو في قلبي احزان تكفيني شوفت غيري مبتسم
:.
6- مـــآهي حكـــمتكـ في الحيـآة ؟؟
:
.هذا اول مره احد يسألني هذا السؤال اذا عن حكمتي ما عندي حكمه يعني انا دوم امشي في طريق واكون جاهز للي

بيطلع لي في نهاية ذا الطرق او المشوار
:.
7 كــــم عمـــرك ؟؟
:
مدري اذا قلت عمري راح يهمك او لا احس انه سؤال غريب لكن برد وبقول عمري 16
.
8_ تحب تلعب كرة قدم؟ <-
:
.اف مووووووووووووت يعني تعرفين كيف موت انا لو تجي ثلاث ايام ما العب يجيني عوار في رجيلي هذا غير الاعراض

الثانيه اللي تجيني بعد يعني اعشقها
:.
9- ااوصف لي حياتك بكلمتين ؟ ::
:.
بصراحه بصراحه حياتي صعب اوصفا بكلمتين يعني ما اقدر ( ترى بدينا ندخل للمحرج والخاص )

10-وش احلى صفه فيك؟ وليش؟
:.
:مدري والله بس اللي عرفته من كلام غيري اني ما تغمض عيني يعني انام واحد زعلان مني حتى لو انا الغلطان
.
11-وش الصفه الي مو حلوه فيك؟ وليش؟

:هذا سؤال حلو وسهل علي بصراحه عندي صفات كثيره بالنسبه لي مو حلوه انا بقول وحده هي اني فضوووولي ابي

اعرف كل شي يصير قدامي يعني مثل اللقافه الخ...
.

12 - ما رائيك بشخصية حوريهـ الثلج ؟؟<<يا ويلك اذا ما مدحتني <<امزح قوول بصراحه ..[/align][/size][/font]

اسمعي يا حورية اناا تعلمت شي وهو اللي يمدحك قدام وجهك اعرفي انه يسبك من وراك ويعني المدح في الوجه مسبه

وانا ما راح امدحك كل اللي اقدر اقوله اني ما بحياتي شفت مثل حورية يعني لو انا بمكانه والله والله لأفتخر وأعتز بنفسي

للمعلوووميه ما خلصت الاسأله راجعه <<كانه تقول هيين [/QUOTE]


بعد لحوول ما خلصتي الله يستر منك بس ... اقول انتبهي لأسئلتك لا تطلع عن الحد يعني فيها احراج او شي

[ツĀŁĐĄŇĦ ツ]

كــأنـــي سمعـــت صغير السن ينــآآآآدي يبي اسئلهـ افااا عليـــكـ بس حاضريــن للطيبيـــن

1) هل ترى وجود فرق بين الوقت الحالي وقبل 8 سنوات في التربية وطريقة اللبس وعاداتنا وتقاليدنا ؟

2) ماذا يمكنك القـول لوالدك ولوالدتــك .. بخصوص طريقة تربيتهم لك وتفكيرهم ؟

3) الزواج .. ومسئولياته !! هل يشغل بالك هذا الموضوع ؟ ومتى تبدأ بالتفكير بالزواج والاستقرار ؟

4) هل من المهم أن يزيد الشاب من اهتمامه بمظهره وبملابسه ؟ وماذا يعني لك المظهر الخارجي ؟

5) ماهو أكثر شيء تخشــاه بالحياة ؟

6) ماذا يعني ( المستحيل ) بالنسبة لك ؟

7) ماهو الشيء الذي ترغب بفعله .. ولكن العادات تحول دون فعلك له ؟

8) ماهو أكثر شيء ندمت عليه .. ولو بيدك الأمر لقمت بتغييـره ؟

9) بصراحة هل من الممكن ان تركب ( وانيت احمر موديل قديم ) وتذهب به الى الجامعة ؟

10) ما الذي ترغب بتحقيقه عل مستوى وطنك والنــاس ؟

11) هل تتخيــل حياتك بدون موبايل .. سيارة .. طلعــات ؟

12) برأيك ماهي الصفات التي تمتاز بها المدارس الحكومية عن المدارس الخاصة ؟

13) ما الذي يميـز الفتاة ببلدك ((على حسب جنسيتك)) عن غيرها ؟


وشكـــراً تعبنـــآآآآكـ ادريــــ

[صغير السن]

1) هل ترى وجود فرق بين الوقت الحالي وقبل 8 سنوات في التربية وطريقة اللبس وعاداتنا وتقاليدنا ؟

اكييييييد مو بس في التربية وطريقة اللبس الا في كل شي حتى في التعامل

2) ماذا يمكنك القـول لوالدك ولوالدتــك .. بخصوص طريقة تربيتهم لك وتفكيرهم ؟

اقول جزاكم الله خير بس لا تشكون فيني لان اهلي يشكون فيني كثير وما يثقون فيني

3) الزواج .. ومسئولياته !! هل يشغل بالك هذا الموضوع ؟ ومتى تبدأ بالتفكير بالزواج والاستقرار

والله الزواج ما يشغل بالي لان بعدي صغير عليه ومدري متى ابدأ افكر بصراحه انا اخاف من الزواج لان يبيله مسؤلية

4) هل من المهم أن يزيد الشاب من اهتمامه بمظهره وبملابسه ؟ وماذا يعني لك المظهر الخارجي ؟

انا ما اقول له ما يهتم لا اهتم شوي لكن من دون مبالغه, بصراحه بالنسبة لي قبل كنت اهتم بالمظهر الخارجي لكن بعد ما

تعلمت وبعد ما عرفت ما أظن يعني لي شي

5) ماهو أكثر شيء تخشــاه بالحياة ؟

أخاف يجي يوم من الأيام وأطمع وارفع خشمي على الناس مو بس كذا في بعد كثير لكن ما اذكر شي الحين

6) ماذا يعني ( المستحيل ) بالنسبة لك ؟

ههههه مدري ليه من اسمع ذي الكلمه تجيني ضحكه بالنسبة لي ما تعني لي شي لان مافي شي مستحيل مالها وجود

7) ماهو الشيء الذي ترغب بفعله .. ولكن العادات تحول دون فعلك له ؟

لا ما عندي شي يمنعني لان ما عندي شي ضد العادات

8) ماهو أكثر شيء ندمت عليه .. ولو بيدك الأمر لقمت بتغييـره ؟

انا قايل عن ذا من قبل اللي هو عن موضوع اخوي بصراحه كرهت السؤال ذا

9) بصراحة هل من الممكن ان تركب ( وانيت احمر موديل قديم ) وتذهب به الى الجامعة ؟

قصدك المدرسة ههههههههه لا يمكن ادبر لي اي واحد من ربعي يوصلني ولا اركب فيه , وبعدين وش اللي حدني عليه

10) ما الذي ترغب بتحقيقه عل مستوى وطنك والنــاس ؟

هذا شي دوم افكر فيه ...... ودي اروح أجاهد عشان يقولون محمد مات او استشهد (شي حلو)

11) هل تتخيــل حياتك بدون موبايل .. سيارة .. طلعــات ؟

لا ما اقدر اتخيييل صعبة مررررررره حتى لو تحذفي بس واحد برجع بقولك صعبة لكن الا اذا كلن عندي ....

12) برأيك ماهي الصفات التي تمتاز بها المدارس الحكومية عن المدارس الخاصة ؟

أول شي من ناحية الرحلات والطلعات هذا كل اللي اعرفه تقريبا

13) ما الذي يميـز الفتاة ببلدك ((على حسب جنسيتك)) عن غيرها ؟

اووووف تتميز بأشياء كثيره والله يا زين بنات السعودية والله والله ترى انهم احلى من الشقر اللي يطلعون بالتلفززيون يعني

بالدول الثانيه وهم بعد مستورين ماهو كذا على قولتهم اجلح املح, وما ادراك ما الفتاة السعودية اااا


وشكـــراً تعبنـــآآآآكـ ادريــــ [/color][/font][/size][/b][/align][/QUOTE]


يرحــمـ أمك وش ذا الاسئلة صعبة يا اخي هاتي شي على قدي اظاهر انك حاقده علي وتبين تبردين قلبك

اقول وينك يا حورية تعالي اسئليني انتي اللي اسئلتك شي سهله وحلوه وخفيفه بعد زيك ومهضومه


( الــــــويـــل الـــــويـــــل لـــكــــيـ يـا ورديــــة )

[صغير السن]

يا موووووووووووووووووووووووووت ... وش يا موت

قصدي يا ناااااااااااااااااااااااااااااااااااس ارحموني شوي تراني بشر عطوني شي سهل

بس والله حلوه الرحله ذي اذا بنتم كذا ( انا منقهر منك يا ورديه على اسئلتك )

[ألأميرة نوني]

ههههههههههههههههه


خفوا عليه اشوي مسكين ...


ههههههههههههههههههههههههههه

خخخخخخخخخخخخخخخخ

[vitamin]

يوووووووووووووووووووووه كبرييييييييييي اذا انا اطول منك اقدر اسطرك نيهاهاها


يالدب

انا بسألك عاد انا فاهمتك لانك كبري << اقلبي وجهك


من أكبر أنا ام انت ؟ << يرحمممممممم من اولها



هل لو صرت انا اكبر منك تصطرني ؟؟ ولماذا



عمرك حبيت لك واحد بقووه وصرت تثق فيه وبعدها بـ شي سخيف تخاصمتوا ؟ واثر فيك اذا هذا صح ؟؟



صور لي ثوبك وجزمتك وجوالك والكبك حق العيد == << ابغى اوهقك واذوقك الي ذقته :d



هل انت حاقد على احد في المنتدى ؟



انت تشوف اني خايسه شخصيتي ولا لازم اصير ثقيله احس اني موب عارف اثقل :( ؟؟؟




كلمه توجهها لكل معجبينك ومعجباتك مع التوقيع اذا ممكن






,,
,
,
,
وشكراً

[بحبك انا هيمان]

لووووووووووووووووووووول

الله يكووون في عوونك


عضو تحسه رمز الطيبه..؟
عضوتحسه وسيع صدر..؟
عضو تحسه مرجوج..؟
عضو تحسه نشيط..؟
عضو تحبه..؟
عضو يهمكـ..؟
عضو تفقدهـ..؟
عضو تكرهه..؟

[صغير السن]

من أكبر أنا ام انت ؟


والله في هذا مدري على حسب شوفي في اي شهر انتي مولوده قبل لكن انا اشوف انك اكبر مني في ناحية الثقل.


هل لو صرت انا اكبر منك تصطرني ؟؟ ولماذا


اكيييد لا وحتى لو كنتي أصغر مني بعد بقولك لا لأن اول شي انا ما اقدر ارفع يدي على بنت حتى لو هي سابتني

( وبعدين انا ما اصطر انا اذا افكر اصطر راح اطعن لأن التصطير هذا شغل بنات )


عمرك حبيت لك واحد بقووه وصرت تثق فيه وبعدها بـ شي سخيف تخاصمتوا ؟ واثر فيك اذا هذا صح ؟؟


اكيييد وأكثر من مرره وأثر فيني بعد لكني تعلمت اني ما اثق في احد بعدها حتى لو من اهلي.


صور لي ثوبك وجزمتك وجوالك والكبك حق العيد ==


ثوبي حاليآ مش جاهز لأنه في المغسلة بس اول ما يطلع راح احاول احطه اما عن جزمتي اوكيه مافي مشكلة وجوالي الله

وجوالي طيب بعد مافي مشكلة لكن بتتحطمين اما عن الكبك صدفه انا ما لبست كبك في ذا العيد .( راح احطهم لكن كيف )


هل انت حاقد على احد في المنتدى ؟


مش حاقد انا ما احقد انا منقهرر.


انت تشوف اني خايسه شخصيتي ولا لازم اصير ثقيله احس اني موب عارف اثقل :( ؟؟؟


لا والله بالعكس اشوفك ثقيله لكن في وقت المزح عاادي تضحكين وتسولفين معنا طبيعي يعني تعرفين متى تكوني ثقيله ومتى

تكوني خايسه على قولتك.... بس والله ما اشوف شي فيك خايس انا اقول لك كل اللي يبي لك انك تثقين في نفسك وشوفي


كلمه توجهها لكل معجبينك ومعجباتك مع التوقيع اذا ممكن



احب اقول : مشكورين على كل شي سويتوه لي مع اني ما سويت لكم شي يذكر

ومع اني واثق من نفسي لكن ابي اعرف وش اللي يخليكم معجبين بي وشكرآ.


,,
,
,
,
وشكراً [/color][/align][/QUOTE]

[صغير السن]

لووووووووووووووووووووول ( ليه تسوون كذا وش معناها لوووووووووووول؟؟؟ )


الله يكووون في عوونك

وفي عون الجميع يا رب

عضو تحسه رمز الطيبه..؟ ماجديه .... مدري اذا اقدر احط اكثر من واحد لأن في بعد ناس طيبين بعد

عضوتحسه وسيع صدر..؟ فيتامين ....

عضو تحسه مرجوج..؟ مبارك بروووك حتى اسمه مرجوج مثله ( عسا بس ما يزعل )

عضو تحسه نشيط..؟ اكييييد ماجديه والله تستاهل جائزة........

عضو تحبه..؟ نسيت اسمه اممممم لحظه ...ايه ذكرته على ما اعتقد اسمه ( كل الأعضاء)

عضو يهمكـ..؟ حورية وماجدي وفيتامين ( ما تلاحظون كلهم بنات ما عندي اولاد )

عضو تفقدهـ..؟ اه ......مع انها مش راضيه عني لكن افقدها والله ( بريق الشجون )

عضو تكرهه..؟ ما اكره احد لحد الحين بس حاط عيني على كم واحد [/color]

[انت طيب]

ياهلا والله وغلا اذبحوووووووووك اكيد

http://www.alasad.net/card/images/small/43.gif

[صغير السن]

أعـــوذ بالــلــه مــن ابــلــيــس .....

[ألأميرة نوني]

عضو تحسه رمز الطيبه..؟ ماجديه .... مدري اذا اقدر احط اكثر من واحد لأن في بعد ناس طيبين بعد <<انت اطيب

عضو تحسه نشيط..؟ اكييييد ماجديه والله تستاهل جائزة........<< والله الجائزه تستاهلها لردودك

حورية وماجديه وفيتامين ( ما تلاحظون كلهم بنات ما عندي اولاد )<<هههههههههههه.. مافي اولاد واجد يدخلون عشان

تعرفهم


احرجتني مرررة ..


اشكرك اخوي صغيررر ..


تستاهل جائزة

[صغير السن]

شوفي ....

خيتوو ماجديه معرفتي فيك هي الشرف لي وبالنسبة لي هاذي هي الجائزة.

[صغير السن]

تراني للحين أنتظر حورية تسألني......

ترا حتى لو تنتهي المهله المحدده , ولو لازم تسألني حورية هي عطتني كلمه

قالت بترجع وبتسألني وهذا انا جاااااااااااالس حاطه في الـ أن.

[vitamin]

خخخخخخخخخخخخخخخخخخخخخخخخخخخخ مع وجهك


موب لازم تصور

انا انولدت في 24 رمضان :/ حتى اذكر ان امي خلتني اصوم << نصااابه


لا انا بعض الاحيان اثق في نفسي وبعض الاحيان افقدها


اايه جد حتى انا ما صرت اثق في اي احد بس بسرعه اوثق في الناس يعني مدري شلون

اقول بس


ردد ::/ ياليييييييييييييل مطولك :uuu:


,
,
,
,

[حورية البحر]

فيتامين ..وش ذا الهذرا

تكلمي عربي .. لو سمحتي..

المهم هع ..

الاسأله ::

لو قالوا لك غدا تموت فما ستفعل؟

.لو قالوا لك نرجع للماضي فماذا ستأخذ معاك؟

لو قالوا لك اختر خبر يسرك وحنا نحقق؟

قول أي سؤال يأثر فيك؟

وش اول جوال صار عندك؟؟

ما هو اكثر شخص ياثر كلامه على قلبك ؟؟

ما هي اكثر اكلها تحب تاكلها ؟؟

ما هي الدوله الي تتمنى العيش فيها ؟؟

ما هو جدول حياتك بختصار ؟؟

بين القاب المنتدى ما هو اللقب الي عجبك ؟؟

ماهي الأمنية التي تمنيتها وحصلتي عليها ؟؟

ماذا يعني لك (منتدى لأجلك)؟؟

من اختار لقبك في المنتدى ؟؟

ليه اخترت اللقب هذا بالذات ؟؟

اخيراا

كلمة شكرا تقدمها لمن ؟؟

<<اوقات اسأل بالعام و اوقات بالفسحه متفلسفه

<<يالله جااوب ..هع

[صغير السن]

خخخخخخخخخخخخخخخخخخخخخخخخخخخخ مع وجهك


موب لازم تصور

انا انولدت في 24 رمضان :/ حتى اذكر ان امي خلتني اصوم << نصااابه


لا انا بعض الاحيان اثق في نفسي وبعض الاحيان افقدها


اايه جد حتى انا ما صرت اثق في اي احد بس بسرعه اوثق في الناس يعني مدري شلون

اقول بس


ردد ::/ ياليييييييييييييل مطولك :uuu:


,
,
,
,




يـا لــيييييييييييــل مــطــولــك

[صغير السن]

لو قالوا لك غدا تموت فما ستفعل؟

ليه امووت ومن اللي قال لي شنو اي واحد قال لي بتموت خلاص اصدقه الموت بيد الله مو بيد الناس يعني مو اي واحد قال

لي تراك بعد شوي بتموت اصدقه لا.

.لو قالوا لك نرجع للماضي فماذا ستأخذ معاك؟

اباخذ معي حبايبي اللي اشد ظهري فيهم او اللي متعود عليهم وباخذ جوالي بس........

لو قالوا لك اختر خبر يسرك وحنا نحقق؟

كم واحد يعني , انا عندي اكثر من واحد بس مش كثير’’ ابي اسمع خبر تأجيل افتتاح المدرسة

قول أي سؤال يأثر فيك؟

هذا يعتبر خاص لكن ... أنا من حطوني في كرسي الاعتراف وخايف احد يسألني عن السؤال اللي يأثر فيني وللحين محد سأل

الحمد لله يعني ما خطر على بال احد لكن الحين انتي يا حورية عطيتيني سؤال يخليني اقول اللي يأثر فيني مابي اطول عليك

السؤال هو ( هـل أنـت راضـي عـن نـفـسـك ؟؟؟؟ )!!!!!!!!

وش اول جوال صار عندك؟؟

اول جوال اممممم كنه اسمه كان الخيال وطبعآ انسرق هو واللي بعده ( انتبهو لجوالاتكم )

ما هو اكثر شخص ياثر كلامه على قلبك ؟؟

أ مـــــي.... لا تسأليني ليه

ما هي اكثر اكلها تحب تاكلها ؟؟

معكرونه بالبشميل حتى من كثر ما احبها تعلمت كيف اسويها عشان اسوي لي في اي وقت تجي على بالي

ما هي الدوله الي تتمنى العيش فيها ؟؟

والله ما عمري تمنيت اعيش في مكان غير ديرتي انا ما اقدر ابعد 16 سنة وانا عايش فيها { فديت السعودية وفديت ترابها }

ودي يعني ها اروح بس شوي لندن

ما هو جدول حياتك بختصار ؟؟

ما فهمت سؤالك انا بالظبط ... يعني يمكن اجاوب ويطلع سؤالك له معنى ثاني اذا كان مهم اشرحيه عشان اقدر اجاوب عليه

بين القاب المنتدى ما هو اللقب الي عجبك ؟؟

( vitamin - حورية الثلج - ماجديه والعز ليه ) انتي ما كتبتي ليش لكن انا بقول لك ليش , بصراحه هاذي الالقاب احس

اللي اختارها مش كذا على طول حطها لا احس انها في حكمه في اختياره لها . معانيها حلوه

ماهي الأمنية التي تمنيتها وحصلتي عليها ؟؟

بصراحة شوي شوي ندخل بس معليش ..... كان في يوم من الايام كان ابوي تعبان ومريض كان ما يقدر يمشي واذا يبي يمشي

كان يحبي في الارض مثل الولد الصغير عاد انا ماحب اشوفه وهو في ذي الحال فا صرت كل يوم اتمنى اني اذا رجعت من

المدرسة اشوف ابوي متعافي يعني طاب والحمد لله جا يوم وتشافى والحين اشوفه زين ويقدر يمشي ....

ماذا يعني لك (منتدى لأجلك)؟؟

والله المنتدى ما صار عندي مهم وحبيته الا من الاعضاء اللي فيه وانا مقدر اروح بعيد عنه

من اختار لقبك في المنتدى ؟؟

اكيييد أنا لاني ماحب احد يختار لي شي يخصني انا لحالي الا اذا كان من باب النصيحه

ليه اخترت اللقب هذا بالذات ؟؟

اووووووو ........ لا هذا سؤال خااااص مره لكن بحاول ارد لكن انتي افهمي بس عشان ما تقولين ما جاوب وحورية سألت

يعني لازم جواب على العموم اخترته لأني مريت بشي او جاني شي وانا توني بعدي صغير السن .. عاد شنو هذا الشي

اعرفوه بنفسكم ما اقدر اقول لكم .

اخيراا



كلمة شكرا تقدمها لمن ؟؟

لكل من قدرني وحبني وعزني وحطني على راسه واطبعا ما راح انسى اللي حطني في هاذي اللحظه ههه اللي حطني في

كرسي الاعتراف .0.... والله يا ليت كل يوم تحطوني في كرسي الاعتراف( ترى حتى اللي سألوني لهم نصيب في الشكر )

<<اوقات اسأل بالعام و اوقات بالفسحه متفلسفه

<<يالله جااوب ..هع


هههه عااادي اسألي في اي وقت انا كتاب مفتوووح ....... اي احد عنده سؤال لي عادي يقوله حتى لو في المحادثه



[/align][/font][/size][/QUOTE]

[ألأميرة نوني]

السلاام عليكم


انا والله دخلت المنتدى ولقيته فاضي قلت بسالك اساله وان شاء الله انها تكون خفيفه عليك ..



انا اسالتي عن الاعضاء لك الاحقيه بااختيار الاعضاء اللي تبيهم وتترك الباقي ..


ولك الاحقيه بعدم الاجابه عنهم ...

مااذا يميز كل من / وماذا يعني لك كل من:



الاولااااااد



ولد مغرور:


عاشق:


مخاوي:



انت طيب:



بلاكسي:



جفت / بحبك:



البنات ..



بريق:


ماجديه:



ملاك:



فيتامين:



حوريه:




من من الاعضاء اللي ممكن تفتح له قلبك وتحس انه قد حمل اسرارك؟؟






وكما ذكرت سابقا لك الاحقيه بعدم الاجابه .......

[صغير السن]

مااذا يميز كل من / وماذا يعني لك كل من:



الاولااااااد



ولد مغرور: الشي اللي يميزه هو انه ناقص حنان يعني محتاج احد يحن عليه هذا اللي لاحظته انا

اما اذا عن وش يعني لي فا هو اخوي قبل ما يكون صديقي .

عاشق: انا اشوف من وجهة نظري اللي يميز عاشق هو صورة توقيعه ( الشااص )


مخاوي: لاحظت انا اللي يميز مخاوي انه عنده خفت ظل لكن مش دايمه يعني يوم تشوفه ويوم ما تشوفه اذا وش يعني لي

انا دوم اتذكره لاني من اشوف شعر ناصر القحطاني اللي يقول (البر يشرح كل صدر ويقلب الضيقه سرور) خلاص اذكره



انت طيب: اللي يميزة لونه الاحر لانه يجذب واللي يعني لي انه هو مدير شغلي اقصد المنتدى



بلاكسي: اللي يميزة هو خوفكم منه مدري ليه تخافون منه واذا عن وش يعني لي بصراحه انا اشوفه لكن ولا مره سولفت معه



جفت / بحبك: اللي يميزة هههه كتابته لأنه دوم عنده اخطاء املائيه .



البنات .. ( اه يا الجنس اللطيف )



بريق: من ناحيتي اشوف اللي يميزها عنا مزاجها المتقلب يعني توها رايقه وتضحك معك تجيك بعد شوي معصبه وواصله

عندها ,


ماجديه: { يااااا ماااااااجديه } ههه احب اناديها كذا ... والله ماجديه كل شي فيها مميز يعني اللي عندها ما عند غيرها

لا تقولو بالغت ولا شوي هذا الحق اما وش تعني لي ياااه ماجديه انتي وش تعنين لي ............. ؟؟




فيتامين: فيتامين اه لو تدري .... اسم على مسمى فيتامين وفيتامين شنو فيتامين منتدى لأجلك , اذا عن وش تعني لي تعني لي

الكثير الكثير لكن يكفي اقول انها توأم روحي



حوريه:{ يااااه اخيرآ وصلنا لحورية بس ليه يا ماجديه ما حطيتيها اول وحده الله يهديك } وش يميز حورية يعني وش

يميزها هذا السؤال ما يجي على حورية لان ما فيها شي مميز لا لأن هي اللي تصنع المميز وتخلي شي موجود اسمه مميز

يكفي انها تقدر تتحكم بمزاجي ، ولو بقول وش تعني لي بجلس لكم وانا اقول ..... ما راح يكفي الوقت عشان اقول لكم وش

قد تعني لي ماما حورية .




من من الاعضاء اللي ممكن تفتح له قلبك وتحس انه قد حمل اسرارك؟؟

هم 2 ماجديه وفيتامين لكن انا ابي يكون ثالثهم حورية

[حورية البحر]

حوريه:{ يااااه اخيرآ وصلنا لحورية بس ليه يا ماجديه ما حطيتيها اول وحده الله يهديك } وش يميز حورية يعني وش

يميزها هذا السؤال ما يجي على حورية لان ما فيها شي مميز لا لأن هي اللي تصنع المميز وتخلي شي موجود اسمه مميز

يكفي انها تقدر تتحكم بمزاجي ، ولو بقول وش تعني لي بجلس لكم وانا اقول ..... ما راح يكفي الوقت عشان اقول لكم وش

قد تعني لي ماما حورية .

<<ماما في عين الشيطان شكبرك تقول لي ماما .. هع و مشكوور ع المدحاات .. انا اصنع التميز احم احم ..


من من الاعضاء اللي ممكن تفتح له قلبك وتحس انه قد حمل اسرارك؟؟

هم 2 ماجديه وفيتامين لكن انا ابي يكون ثالثهم حورية


<<لعن ابوا دارك كلهم بنات .. استح .. و من قال لك لا تقول لي شئ .. اي شئ تبغى تقووله و لا تبغى تفضفض تعال انا احب اتشمت .. و احب اواسي بعد هع

[vitamin]

فيتامين: فيتامين اه لو تدري .... اسم على مسمى فيتامين وفيتامين شنو فيتامين منتدى لأجلك , اذا عن وش تعني لي تعني لي

الكثير الكثير لكن يكفي اقول انها توأم روحي


يووووهـ,, { استحي يانصفي الثاني :uuu:

آآآه لو تدري بس ,, خلها على الله


,,,,,

انا بسألك وتجاوب بصراحه وشكلي عارفه الجواب انها حوريه بس يلا نسأل ما ورانا شي سؤال واحد هو



بس



سؤال قوي :aaa:






لو خيروك من تحب اكثر أنا ولا حوريه ولا ماجديه وش تختار ::.. { لااازم وحده مستحييييل تختار 2 ولا كلنا بس وحده

[miss jofem]

السلام عليكم ورحمة الله وبركاته
الله يعينك يا صغير السن

[صغير السن]

لو خيروك من تحب اكثر أنا ولا حوريه ولا ماجديه وش تختار ::.. { لااازم وحده مستحييييل تختار 2 ولا كلنا بس وحده



ههههههه ولا وحده ........

تدرين ليه انتي ما قلتي ليش لكن انا بقول لك ليه

لأنك قلتي جاوب بس ... ما قلتي جاوب بصراحه . وهذا هو جوابي اللا صراحي..

[صغير السن]

السلام عليكم ورحمة الله وبركاته
الله يعينك يا صغير السن

ويعين الجميع يا رب ....

وانتي مافي خاطرك اسأله لي عااادي اسألي.. قبل ما تخلص المهله

[ألأميرة نوني]

{ يااااا ماااااااجديه } ههه احب اناديها كذا ... والله ماجديه كل شي فيها مميز يعني اللي عندها ما عند غيرها

لا تقولو بالغت ولا شوي هذا الحق اما وش تعني لي ياااه ماجديه انتي وش تعنين لي ............. ؟؟


احم احم هههههههههههههه لا جد احس بالغت توني اكتشف انيس مميزه <<ياشيخه ..:surprised:



من من الاعضاء اللي ممكن تفتح له قلبك وتحس انه قد حمل اسرارك؟؟

هم 2 ماجديه وفيتامين لكن انا ابي يكون ثالثهم حورية



اتمنى توضح ليه اخترتهم يعني السبب ..:we5r34:

[حورية البحر]

الف شكر صغيــــر ع الرد ..

انتهى الوقت المحدد لصغيــر في كرسي الاعتراف ..

ترقبوا العضو القادم ..

تم اغلاق الموضوع ..