آلروتــين اليومي للشبــآب .. آنصحكم بالدخوول ..

[لآسِلًئ خـًآطَر ولآدنًيآ صُفتَ]

]السلام عليكم ورحمه الله وبركاته[/u]

...


شحالكم



اليوم بتكلم عن الروتين اليومي .. لشباب .. يعني حياه الشاب اليوميه ...بخبركم شو معاناته .. وكيف يعيش هذاا التمسااح

..

طبعا الشاب يرقد الساعه 3 فليل كالعاده .. بعد مايشوف كل الافلام . ويخلص رصيده على القلب ....وبعد سباتٍ طويل .. تيي امه تبي توعيه ... تقوله يا ولدي نش بسك رقااد .. الساعه 5 العصر قم شف لك شغله .. الولد يقول ان شاء الله امي .. اول ماتطلع امه ..انا ماقلوكم انه ماينش لا ينش من الرقاد .. بس يعدل فراااشه ويرد ينخمد ..

المهم ينش من الرقاد بعد ماتيي العائله كلهاا توعيه ... تعالوو شفو شكله يوم ينش من الرقاد.. الشعر ناااقز والعيون منفخه وحمر .. والمزااجه معكر ...اول مايطلع من الغرفه مسكين الي يشووفه اول واحد .. لانه يكون الضحيه . والعاده يكون اخوه الصغير لانه يعدل مزاجه علىه .. يعني كف .. شوته .. سبه .. على الطاااير المهم يدش الحمام الله يعزكم يبي يسبح ... ويقعد يسب الخدامه وهو في الحمام ...الله............والله.......... و*********.. تعرفون شو يقول .. والسبب انهاا ماشغلت السخاان . والماي باارد

عقبهاا يدور للفرشااه وينهاا مايعرف.. ويقول في خاطره يالله مب لازم اليوم عادي يوم واحد ماياثر .. (( ياشيخ استوى لك شهر على الحاله هذه ))..


المهم يطلع من الحمام . (( الله يعزكم)) ويرووح للكبت ع سبت يلبس .. لا الحمد لله لبس بدون مشااكل .. لحظه لحظه . فيه مشكله وحده .. تعالوو شوفو الكبت بعد مايلبس ... يعفس الكبت فوق تحت ..ليش ياخي ..والله يالس ادور القحفيه ..

المهم وهو ساير الميلس .حس باليووع .. قال خني اسير المطبخ اتغدى ..اووووووه للاسف ماشي غدااء يقعد يهزب الخلق ليش ماوعيتوني للغدااء . . (( الريال مايبي يعق الخطاء على نفسه .. ))

المهم يقتنع .. ويقول خني اسير المطعم ابرك لي ... يحرك للمطعم ويدق هرن حق الهندي وييه الهندي (( هاه باباه شو يريد )) ... يرد عليه لا اطفر بي الي يسمعك يقول مطعم قصر الهند ... شو عندك غير الزنجر والديو ..(( الاكله الرسميه عن الشباب))

المهم توصل الطلبيه .. تعالوو شوفو شو بيسوي . يارفيق اسمع انا سجل حسااب . الهندي جنه حد ضربه بقب في راااسه .. بعد ماكان يقول باباه ... تغيرت اللهجه .. صار يقول (( شو هذا حساب مال انت ميتين وعسره ..))
يقتنع الهندي بالامر الواقع بعد مايوعده انه بيدفع الحسااب اخر الشهر ..
(( اشك في السالفه ))


االريال يحرك ويوقف في الباركن ع سبت ياكل .. مسكين حتى في اكله مايتهنى .. تعرفوون ليش .. لانه توه انتبه على البترول .. وشاف البرتقاله ترقص قدام وييه ..
(( البرتقاله الليت مال البترول ))

خلص غدااه . وقال خلني احرك .. للمحطه عبي بترول .. هههههههههههههههه تعرفون ليش اضحك .. لاني شفت بوكه ماعنده غير خمس درااهم ..

حرك البطل صوب الواحه ويوم وصل ..(( الحمد لله على السلامه )) قال للهندي عبي خمسين .. الظاهر عنده عمى اصفار .. يحسب الخمس خمسين ..

لحظه بنشووف يوم يتوهق البطل ..عباا بترول . وارتفع المبير وانطفت البرتقاله ..
بس الحساب .. كالعاده يرهن الملكيه .. اسميه مايتوهق .. الحلول دايم جاهزه عنده


يطلع من المحطه .. يفكر وين يسير .. ويفكر .. ويفكر ... وبعد تفكير طويل .. عرف وين بيسير .. ((مايبت شئ يديد يا خوناا .)) اكيد تعرفون وين سار الصناعيه ..على فكره ماعنده شغل بس قال بسير اطمش .. الله واكبر حد يطمش في الصناعيه

يدش الصناعيه مسكين اول مايدش .. يسمع اصوات تناديه .. فلان فلان جيب فلوس جيب فلوس

مب مخلي محل مب فاتح عنده حسااب..يطفش من الصناعيه ويطلع .. بالاحرى يشرد .
وهو طالع حصل حبيب القلب عبوود .. هلا شحالك .. قم بنسير المول .. عبود يقول ياريال مافيني .. اونه عاد ثقيل ... المهم يحركوو للمول الساعه 10 فليل . يوصلو المول الساعه 11....
دشو المول البطل شاف وحده عيبته .. قال حق عبود الا ارقمهاا .. عبود يقول ياريال مافيناا ننسجن .. قال الا ارقمهاا .. قاله عبود استهدي بالله .. قال مافيه .. قاله عبود زين رقم برقمي .. الله واكبر انا على بالي عاقل ..

المهم يتم يلحق البنت .. وين ماتسير يسير ... ورها . ناقص يشل اكياسهاا .. وتكمل ..
بعد ما لف اربع لفات في المول يتشجل البطل ويقول يا شيخه .. اربعه واربعين .. قبل مايكمل الرقم يشوف واحد يها .. وسلم عليها وسارت وياه .. تحطم البطل . رد عند عبوود قاله عبود هاه بشر .. قال ياريال مب حلوه طلعت خاله ...خخخخخخخ
(( الي مياطول العنب حامضن عنه يقول ))

يطلعووو من المول .. مب يطلعو ينطردوو لانه الساعه وصلت 12 .. خاطرهم يتعشووو بس ماشي فلوس للاسف ..والحل والوحيد يردوو البيت ..

كل واحد رد بيتهم .. وتلاقوو في الجات وبدا الخرط على الناس .. انا والله اليوم تغديت في قصر الامارت . يرد عبود ويقول والله انا تمشيت في دبي .. (( جذاب كان في الصناعيه ))
يقول والله رقمت وحده قمر . هي الي طلبتني الرقم . .. (( هذه الي يقول عنها خاله ))

المهم ويلسه على اللاب لين الساعه 3 .. يروح يرقد .... وبكره يبدا المسلسل ماله ..



خخخخخخخخخخخخخ

هذا روتين اكثر آلشبآب خخ

[صغير السن]

ههههههههههههه .... الله يقطع بليسك

والله صح هذا اللي يصير معي بس مو نفسه بالظبط

يعني يبيلي احذف كم شي . ومشكور على انك فرجيتنا الروتين.

[ألأميرة نوني]

هههههههههههههههههههه


مشكور اخوي ..

[لآسِلًئ خـًآطَر ولآدنًيآ صُفتَ]

لآهنتوآ

بخصوص صغير

وش قالو لك بنت خخخخ

لآهنتوا علئ المرور الطيب

[حورية البحر]

ههههههههههههههههههههههههههه

شنو هذا هذا روتينكم ..

عاشق وانت نفس الروتين ولا غير ..

احسن شئ يوم يجي يرقمه و يشوف الرجال طاح وجهه هع ..

يا كثر ما تكذبون يا الاولاد هع ..

مشكوووووووووووووووور ع الموضوع هههههههههههههههه

[صغير السن]

اقول عااد لا يكثر ......

وعلى قولة مخاوي وش اسمها ذي ايه على شحم

[miss jofem]

مشكور ع الموضوع الرائع
تقبل مروري

[انت طيب]

ههههههههههههههههههه يسلموووووو حبيب قلبي

الحمدلله موروتيني


http://islamroses.com/zeenah_images/slemat.gif

[لآسِلًئ خـًآطَر ولآدنًيآ صُفتَ]

خخخخخخخخ علينا ياشيخ


علئ العموم


لاهنتوا علئ الردود الطيبه

[زحف إلي الأبد]

هههههههههههههههههههههههههههههه


مشكووووووووووور أخوي علي الروتين

بس اخوي أنا غير عنك

أنا اول ما أجلس من النوم طبعا مافي أحد يصحيني لو يصحيني أحد يصير له فلم أكشن ههههههههههههههههه

أول ما أجلس أول زقاره علي الريق كذا أووووووووووف يعدل المزاج

بعدين اطلع من الغرفه أشوف أحد خواني أتحرش فيه هههههههههههههههه ( طالب حرش وهو توه صاحي )

بعدين أشغل السياره تحمي وبعدين أرقي أسبح وبعد ما أخلص

أدور شي في المطبخ أكله شي المهم يصير في البطن بعدين الدوانيه جلسه مع الشباب وإذا أتصلو الهل أجيبهم ولا اوديهم

طبعا الجلوس الساعه 12 الظهر من النوم

وإلي أخر الليل سهر ووساعة صدر

طبعا لا زم في الليل دواره علي الأحساء كلها

و طبعا الشي الضروري نمر علي الحبايب و نكلمهم بعد (يعين الصوت مايكفي )

وهاكذا تدور الحياه وتدور