لقااء المحبين

[@(ملك المشاعر)@]

قالت : وش أحلى مايقول المحبين ؟
ساعة لقاهم بعد غيبه طويله
قلت : اصبري ، قالت : انا اقولك زين ؟
قلت : اتمنى ماتكوني بخيله
قالت : عسى موتي على يديك هالحين
ان كان قيلت بين خل وخليله
قلت : احبكيها صح ياقرة العين
قلبي يبيها صدق تشفي غليله
قامت تفكر ، قلت : يالله ، وبعدين؟
كن اصبعك طوّل بلفّ الجديـــله!؟
قالت : (كليب) ، وقلت : خير ! شتِقولين؟
قالت : رجع !! وشو شعور (الجليله)؟
قلت : (اليمامه) ! ماهي اقوى تحسين ؟؟
من يوم غاب (جبير) صارت هبيله
وشبك سكتي ؟ ليه قمتي تلفّيــــن
قالت : اخاف ان قلت تطلع ثقيله
أخاف اقول وكلمتي تجرح الدين !!
واشيل ذنبٍ مقدر اني اشيله
استغفر الله وين وصلتني ويـــــــن ؟
وانت تعرفني والاصيله أصيله
يوم احضنتني . دمّعت ، قلت : تبكين؟
قالت : اظن الدمع أصدق وسيله
ردّت ، وقالت : وشعذاب المحبـــين
قلت : الغياب ! وفي عيونك دليله

@(ملك المشاعر)@

[..ّ ّ[ oــخ ـآgيـ Jlـذيـب ] ّ ّ..]

ردّت ، وقالت : وشعذاب المحبـــين
قلت : الغياب ! وفي عيونك دليله


متميز اخوي ملك المشاعر




ويعطيك الف عافيه على مانقلت



ولاتبخل علينا بالقصائد الجميله



اخوك



.:** مخاوي الذيب **:.