رد على هرجه قفاااا

[@(ملك المشاعر)@]

توشحت الظلام الدامس اللـي يشبـه الخـذلان
وجيتك والعتب يلبس وشاح أسود من اوشاحـي
وصلتك والحياء نايم وجفـن المغفـره نعسـان
وبركان الغضب ثاير، وشيطان العتـب صاحـي
أسج الرجل وأمشي في طريقي مشية الفرسـان
واجمع لك كـلام ماسمعتـه قبـل يـا ضاحـي
وش اللي يقهرالمخطي ويبرد حـرة الزعـلان؟
وش اللي يشفي العلة وييبريني مـن اجراحـي؟
ولكن، ليت لكن ماصحت مـن معجـم الغفـران
جلت عني وشاحي قبل تسمعنـي وانـا قاحـي
يا..لكن، علمتني كيف أسامـح زلـة الغلطـان
وكيف أحفظ خسارة ماي وجهي واكسب أرباحي
يالكن، قالت اتعوذ يابو سامـي مـن الشيطـان
ولاتحسب خطا الجاهـل ولاتطـرد ورا الناحـي
ترى زلة لسانك لو سمعهـا واحـد(ن) تعبـان
نقلها واصبحت عيبك، وهـرج النـاس نزاحـي
ويكبر عيب عبـدالله ويلحـق لابتـه زهـران
ولاينفعـك بعـد اللـوم قولـت ليـح يالاحـي
ترى اللي يبلع الزلة ويدمحهـا مهـو خسـران
بياض الوجه في وجه الحيا ماهو فـي الماحـي
رجعت اركض سوات الخارج امن المعركة كسبان
وأردد سامحك ربـي وانـا سامحـت ياضاحـي


اتمنى انها تعجبكم انا قريتها حصلت اسمي ولأول مره بالتاريخ بقصيده ونقلتها لكم

أخوكم @(ملك المشاعر)@

[@(ملك المشاعر)@]

...............................

[أشــوآق ~ قآـبي]

شكرااا ع القصيده

[متعبني غلاك]

يعطيك الف عااااااااافيه اخوي ملك المشاعر..


نترقب جديدك...